дуусах нь ээ залуусаа!!!

Сонин уншжээ суутал харин гайхалтай зүйл хардаг байгаа. Хардаг гэнэ уншдаг. Юу вэ гэвэл: Нэгэн зүйл: нэлээн түрүүн, манай хотын  нэгэн цэнгээний газарт хэсэг нөхөд тусгай өрөөгөөр үйлчлүүлж байсан юм санж. Бас ч гэж “эгэл жирийн ардууд” биш байсан бололтой. Ихэд ууж идэн халамцан согтож, эгээ л найр хийж буй улсууд шиг гавтгайрсийм байх. Гэтэл архи дарс, хүүхэн шуухан, дутуу юмгүй наргиж гарсан нөхдийн нэг нь тэр өрөөндөө хээв нэг “морь харчихжээ”. Тус цэнгээний газрыг ажиллуулдаг залуу мэдээж яаж зүгээр байхав. Шаардлага тавьтал урдаас нь зүгээр л ГУЦ гэсийн гэнээ. Тэгээд зогсохгүй агсамнаж хавь ойрыг тараан алдаж. Мань залуу доромжлуулж үл тэвчин гавын ганц удаа элэг рүү нь “шанаадаад” авч. Тэгээ л цэрэг цагдаа бололгүй яахав. Харин шүүхийн шийдвэр гарсан чинь амьдрах гэж яваа мань залууд биеэ хамгаалах чадваргүй хүний “эрх чөлөөнд халдсан” гэсэн үндэслэлээр өчнөөн төчнөөн торгууль тавингуутаа дээрээс нь хорих ялаар “айлгасан” гэнээ. Шүүхийн дүгнэлтээр хэрэв “шээгч этгээд” эрүүл байсан бол “шанаадагч этгээдийг” аргагүй хамгаалалт хийсэн гэх байсийн одоо тэгээд яахав дээ гэсэн гэнээ. Бас нэгэн зүйл: Солонгос, Украин, Монгол 3 залууг “жинхэнэ зүгээр байхад” нь Баянзүрх дүүрэгийн 2 цагдаа “балав нүдсийм” байхоо. Цагдаа нарын занг андахгүй биш. Миний л мэдэх хар багаасаа л таньдаг, зүс харсан, гадарлах  улсуудын хамгийн “заяны” гарууд л одоо цагдаа магдаа болцон явжээдийшд хэ. Мань 3 ч гомдож байгаагаа мэдэгдэж өргөдөл чирэгдэл болов. Тэгээ л ”мөрдөн байцаагаа л байсан, мөрдөн байцаагаа л байсан” эцсийн дүгнэлт гарсан чинь харин Укр залууг цагдаагийн эрх чөлөөнд халдсан, Сол залууг “бусдын эрх чөлөөнд халдах гэж байсан”, манай нутгийн залууг харин өөрөө өөрийгөө зодож танхайрсан (бүр яг ийм үндэслэлээр) гэсэн үндэслэлүүдээр тус тус эрүү үүсгэн “ингээд яллалаа та нарыг” гэжээ. Үнэхээр тэнкэ хүркүгээ мэдсэн мань 3 арга буюу өргөдөлөө буцаан авч харин 2 гэмт хэрэгтэн цагдаагийн хувьд ёстой юм ёсоороо болжээ. Бүүр бас нэгэн зүйл: Томоос том жийп нэгэн иргэнийг дайрч хүнд гэмтээжээ. Тэгээд жоохон гайгүй болохдээ нь зэрэг мөрдөн байцаахаар дуудсан байна. Гэтэл шал өөрий нь дайрсан этгээдээс тэс өөр хүн хэрэг хүлээхээр сууж байна гэнэ. Энэ хүн намайг дайраагүй ээ гээд нөгөө гарыг нэр ус машин тэрэгтэй нь тоочин нэхжээ. Ингэсээр байгаад нөгөө хаа хамаагүй хүн нь өөрийн саприй эксельтэйгээ тэр жийпний ард нь зогсож байсан болж таараад “жийп машин хүн мөргөсөн явдал бол ард нь зогсож байсан эксель машины буруу байжээ” гэсэн хуулчийн дүгнэлт гарсан аж. Арай л завхарчжээ манай нийгэм. Энэ бол шударга бусын, луйврын, авилгалын тод жишээ. 1970-аад онд БНСУ-д төрийн эргэлт гарч Пак Жөн Хи (зөв хэлчив үү буруу хэлчив үү) гэгч цэргийн генерал, ерөнхийлөгч болуутаа авилгалд идэгдсэн хуучин эрх бйригчдыг ил тод болгон цаазлахы нь цаазалж, хорихы нь хориход тоо нь хэдэн мянга хүрч байсан гэдэг. Тэндээс л Солонгос улс хөгжлийнхөө замд шуудран оржээ. Тиймээ өнөөдөр миний эх оронд хэн нь ч хэнийгээ илчилж чадахгүй авилгалын сүлжээ бий болсон. Хэн нэгэн даргыг хүүхдүүд, хөгшдөд очих ёстой эсвэл дэд бүтэцийг нийслэл хотын дайтай болгох ёстой эсвэл хэдэн зуун залуусыг гадаадад сургаж чадах эсвэл жижиг дунд бизнесийн татварыг бууруулж чадах мөнгийг замаас нь хулгайлахыг өөр нэгэн дарга харсан хэрнээ хэлж чадахгүй. Хэлвэл цуг унана. Монголд Пак Жөн Хи хэрэгтэй. Харин тэр нь өөрөө төрөлхийн хулгайч бус удирдагч байж гэмээнэ манай улс божийно доо. Авилгатай тэмцэх газар байгуулагдаад 8 сар болсон боловч нэг ч тийм хэрэг илрүүлээгүй байна. Энэ нь зүгээр авилга ихтэй гээд орж ирэхгүй дүлэгдээд байгаа гадны хөрөнгө оруулалтуудын эздэд харуулах эсгий үнэг юм. Үнэндээ тэр байгууллага нь өөрөө зүгээр нуль авилга. Үнэхээр л гэцүү байна даа. Хөөе сайд аа, мөнгөө авьяаа!!! (бэлэн мөнгө биш л дээ, зүгээр үр дүн нь бидний халаасанд л орж ирэх байсан баялаг шүү дээ.)